Murad Köhnəqalanın simpatik "düşmənçiliyi"!

Son günlərdə blogger Mehman Hüseynovun anasının vəfatı ilə bağlı gündəm materialları sosial şəbəkələrdə bəzi jurnalistlərin mövzu ehtiyaclarını tam təmin etdi. Demək olar ki, 24 saat ərzində bütün statuslarda Mehman Hüseynov var idi. Həmin gün, mən evdə olduğumdan azadlıq radiosunun canlı efirində yas mərasimini seyr edirdim.
Mehman Hüseynovun gəlişi, yaxınları ilə görüşməsi və üz mimikası, onu heç də yasa gələn, və hətta anasının yasına gələn insan kimi göstərmirdi. Mehman Hüseynovun sifətində o qədər pozitivlik sezilirdi ki, Azərbaycan dilini anlamayan tamaşaçıda elə təəssürat yaranardı ki, Mehman ən doğma birinin toy məclisinə gəlib həpsxanadan. Hətta mən belə bir qənaətə gəldim ilk öncə.
Bir müddət aparıcı ilə danışdıqdan sonra (mövzunun nə olduğunu anlamadım, videonu təqdim edərəm) gülməyə başladı. Həm də hər hansısa bir yaxını ölmüş insanın yanında elə gülüş sadəcə tərbiyyəsizlik olardı. Söhbət isə burada öz doğma anası ölmüş bloggerin özünü aparmağından gedir.
Başa düşürük, bu millətin qəhrəmana ehtiyacı var. Taleh Bağırov, Yunis Səfərov, "Abubəkr " Abutalıbov kimi şəxslər necə ki, ayrı-ayrı qrup insanların qəhrəmanı oldu, Mehman da bəzi vətənkeşlərin hətta Muradın təbirincə desək, siyasitəkərqaraldanların qəhrəmanıdır. Bu qrupların müqəddəslərinə çevriliblər. Bunlara haqlı ya haqsız heçnə demək olmaz, etiraz etmək olmaz kimi təəssürat yaradırlar.
Doğrusu Mehman Hüseynovun fəaliyyətindən heç də məmnun deyildim. İçəriyə hansı maddələrnən atılmağını da bilmirəm. İzləyicisi deyiləm, fanatı deyiləm və düşüncəsinə qarşı da deyiləm.
Bunu deyə bilərəm ki, Mehman Hüseynovun anasının dəfnində sərgilədiyi davranış, yumşaq desək sadəcə utancvericidir.

Mən bu yazıda nümayiş etdiyim mögedən dəfələrcə mülayim, mədəni və həssas mövge bildirən gənc aydın, yazıçı Murad Köhnəqala niyə xalq düşməni elan edilsin ki?
Adam haqlı olaraq yazıb ki, ayə, qoyun! Ananın cənazəsinə gəlmisən. Vecinə deyil? Olmasın qardaş! Heç olmasa -"Camaat nə deyər, prinsipi ilə bir az kədərli sifət al.
Bundan gözəl ibarə? Buna sadəcə alqış etmək lazım idi.
Bizim millət küyə gedəndir. Məntiq işlətmirlər, beyin yormurlar. Kim nə deyir, baş üstə deyib arxasıycan gedirlər. Elə buna görə də biz , ölümə, işgəncəyə, zülmə və zorlanmaya məhkumuq.
Bizə bu da azdır.

Sizə sözügedən videonu təqdim edirəm!

Həqiqət Söyüşü ,Mədəni Yalançılıq!

Son zamanlar, hökumətin (oxu. iqtidarın) şərəflə sinəsinə döyüb öyündüyü iş yerlərinin böyük bir faizi fərdi evlərin tikintisi ilə məşğul olan usta və fəhlə heyətini təşkil edir. Deməli Azərbaycanda vəziyyət aşağı-yuxarı belə götürülür.
1. Azərbaycanda hüquqi şəxslər kimi fəailiyyət göstərən bir çox dövlət qurumların ümdə vəzifələrində duran şəxslər-Bunlar Nazirlər, müavinləri, İcra başçıları, qurum rəhbərləri və s.
bunlar sözün həqiqi mənasında bəy kimi yaşayanlardır.
2. Bunların himayədarıq etdikləri dekont şirkət sahibləri, geyri-leqal fəaliyyətdə olan firmalar, hansı ki, bunlar yalnız kağız üzəridə qeyd olunur, əslində mövcud deyillər.
3. Bunların işlərini aparan yeni tip, "maşennik"lər. Bunlara da aid edilir, "zepşək"lər.
Burada "maşennik" və ya "zepşək" təbirinin açıqlamasını verməyə çalışacağam.
Kimdir maşenniklər?.

Əsas vəzifələri bu oleqarxların tikinti sektoru ilə məşğul olan insanlardır ki, yalan olmasa, bunlar həmin oleqarxlardan çox pul qazanırlar.
Necə???
 Fəhləni həmin şəxslərlə bir giymətə danışıb, 50% ucuz işlətməklə, usta (bənna, elektrik, santexnik, kosmetik, suvaqçı və s) heyətinin gördüyü işlərindən faiz tutmaqla. Ən çoxu isə material alışından qazandığı pullardır. Bu şəxslərin əsasən evləri möhtəşəm olmur, maşınları ya ucuzundan olur, ya da ümumiyyətlə olmur. Bu da özlərini maskalandırmaq üçün aparılan siyasətdir. Bunlar əsasən, yəni mütləq əksəriyyəti yalançılar olur.
Allah eləməsin ki, oleqarx olmayan, öz halal zəhməti ilə pul qazanıb, illərlə yığıb, toplayan bir vətəndaşın bu maşenniklərə işi düşsün. O dəqiqə başlayacaqlar, fiziki, riyazi, kimyəvi və biotexniki hesablamaların anasını ağlatmağa ki, sizin tikdiyiniz, maksimum 9-10 metr hündürlükdə olan evinizin daş, dəmir sement kanstruksiyalarının xüsusiyyətləri bu keyfiyyətə cavab verir.

 "Yüksək keyfiyyətli metal konstruksiyalar, yüksək markalı dəmir-beton materiallar vəs." Sual oluna bilər ki, bunların xeyri nə olur?
Yüksək keyfiyyətə malik olmaq yüksək büdcə hesabına olur. Bu danılmaz faktdır. Yüksək keyfiyyət normalarına uyğunlaşdıraraq öz el dili ilə desək "kitayski" mallarını bunlara maksimum ucuz giymətə soxuşduran işbazlar sayəsində qazanılanlar qulaq çatladır. Təbii ki, bunları eləmək üçün, maksimum, ziyankar, qəddar, uzaqgörən, hiyləgər və bir o qədər də həyasız və yalançı olasan.
Saydığım bu xüsusiyyətlərini ğzünüzdə görürsünüzsə, demək ki, siz də gələcəyin milyoneri adına namizədsiniz.
Yalanı da gərək çalışasan ki, elmi dil üslubunda, qulağa harmoniya verən, daha kibar və mədəni deyəsən. Əks halda səni ilk yalanında tutub eşşək balası kimi çırpıb tavana qoyarlar.

Amma sadaladığım kimi yalançı olsan, sənin üzünə belə söyüş söyməyə utanıb, arxanca döşəyəcəklər.

Mənə görə isə həqiqətə uyğun söyüş söymək, mədəni yalandan daha etikdir.

Bəs Zepşəklər kimdir?

Ən azı bu maşenniklərin xüsusiyyətlərinə malik olub, onları bildiyi halda, göz yuman, və lazım gəldiyi halda bildiklərini kozer kimi istifadə edən işbazlar.

Sizə qardaşyana məsləhətim. Heç birindən olmayın! Olmaq zorunda olsanız da, maşennik olun, zepşək olmayın!